غضب الام لمنوكل الجعلى

الرميه
حنان الام عليك يبراك كل مكان
والام الحنونه عليها الف سلام
كضاب اليهين والديه وما يتهان
بتهان زى كلب عفنان هزيل وسخان
حق الوالدين من الكريم هو امان
ان عافين عليك فوق الجنان نعمان
وان غضبو عليك تتوسد النيران
وفى دنياك واخرتك تكون خصران
شوف قصة عمر بتبكى للعميان
هان امو الربتو وهبتلو كل حنان
بسبب المره طردوها من الدار
فى دار الرعايه نسوها كم ازمان
ماماتت واستراحة واوصت النسوان
وفى ولدها ولحمها استعوضت الرحمن
مدام فى المرض لا زارنى ولا فى يمه سلام
لا فى الدنيا ولا الاخره ماعافيالو فى الداران

القصيدة
مالك ياعمر اكنت رافع راسى
لحقوق الامومه اكنت جد ماناسى
من بعد الزواج اصبحت لى مجافى
حق الام عليك من الام هو اساسى

شلتك من صغير ما كنت ليك بعافى
لما يجيك مرض ادعو ربى ليك يعافى
تتمنى المنى واجيبو ليك من مافى
كتبت البيت باسمك لى وليدى وراثى

شبت والشيب بدا فى راسى
ودايراك تتم الاسلام وتصبح راسى
لقيت ليك بنت جميله مكمله الاوصافى
قلت لى يا امى : ... داير بنت فلان انا حبى ليها مقاسى

حسيت بالم وقلبى زاد احساسى
والحب فى الرجال للعرس هو اساسى
سويت العرس وافرحت الجيرانى
فى وسط النساء اتظاهرت بالفرحه زى العامانى

من بعد العرس ياوليدى كنت بعانى
بقيت خدامه فوق البيت والتعب هدانى
اغسل الملابس وانظف الحيشانى
عروسك استبدت وكل يوم هاينانى

امك ياعمر كيف تسيبها تقاسى
تاكل فى النعيم بجوعها تب ما حاسى
كم جعت وشبعت من ثديها الدافى
بقيت راجل ديوس فى البيت كانك مافى

جاتك زوجتك بفكره شيطانيه
لى دار الرعايه امك هناك وديه
خمسين فى الشهر وانت بتحسن فيه ا
امك خرفت لا بد هناك ارميه ا

عدت كم سنه امك هناك ناسيها
رسلو ليك خطاب قالو المرض حاويها
استخسرت حتى تمشى تنظر فيها
ختت ليك وصيه ..جنازتى ما يبراها

ولا يشيل فينى فاتحه وياخلق الله منى وصيه
ماتت بغضب من جناها ولحمها الفيها
ما عافيالو لو وهب لى حجه وصلى ليل ونهار وضحويه
وفى الاخره بتلقاه امام عادل حلال لكل قضيه

لو كان ياعمر زرعت كل الارض بالطوريه والالات الصينيه
اصبحت تاجر كبير تتكلم مع الوكالات العالميه
ما بتنتج قليل من حنان امك ولو ضحويه
ودعت امك وين تلقى الحنان الفيها
الام من الكريم بالحنان هى مرويه

قصة هذه القصيده من نسج خيال الكاتب
[flash(12,12)][/flash]